კრემლის მომხრე ბლოგერი, ილია რემესლო, რომელმაც რამდენიმე დღის წინ სოციალურ ქსელში გავრცელებულ პოსტში მოულოდნელად პუტინი და უკრაინაში ომი გააკრიტიკა, ფსიქიატრიულ დაწესებულებაში მოათავსეს – ინფორმაცია Reuters-ს ფსიქიატრიული დაწესებულების თანამშრომელმა დაუდასტურა.
რემესლომ სამშაბათს Telegram-ზე თავის 90 000 გამომწერს გაუზიარა მანიფესტი სათაურით: „ხუთი მიზეზი, რის გამოც ვლადიმერ პუტინის მხარდაჭერა შევწყვიტე“.
მისი თქმით, უკრაინის ომი ჩიხში შევიდა, პუტინს კი არალეგიტიმური პრეზიდენტი და ომის დამნაშავე უწოდა.
„ამაზე ფიქრი 2-3 წლის წინ დავიწყე. პრიგოჟინის ამბოხის სამარცხვინო ეპიზოდის შემდეგ, როცა პუტინი, ჩემი აზრით, ლაჩრულად მოიქცა. ეს საერთოდ არ მომეწონა და მივხვდი, რომ ასეთ ადამიანს პატივს ვეღარ ვცემდი. შემდეგ ტრამპი გამოჩნდა და იმედი მომეცა, რომ მშვიდობა დამყარდებოდა, მაგრამ არაფერი მოხდა. დავეჭვდი, საერთოდ სურს თუ არა პუტინს ომის დასრულება. „ახმატის“ მებრძოლებთან საუბრისა და ფრონტის ხაზზე ვიზიტის შემდეგ მივხვდი, რომ საქმე ცუდად არის. დროა ხაზი გადავუსვათ — პუტინთან ერთად არსად მივდივართ…
ვლადიმირ პუტინი არ არის ლეგიტიმური პრეზიდენტი. ის უნდა გადადგეს და გასამართლდეს როგორც ომის დამნაშავე” – წერდა რემესლო პოსტში, რომელსაც მისი ფსიქიატრიულში გადაყვანა მოჰყვა