რუსეთის პატრიარქ კირილის დავალებით, ილია მეორის დაკრძალვაზე რუსეთის მართლმადიდებელ ეკლესიას ბელარუსის საპატრიარქო ეგზარქოსი, მიტროპოლიტი ბენიამინი წარმოადგენს – ინფორმაციას რუსული გამოცემა Спутник ავრცელებს.
მანამდე, ბელარუსის საპატრიარქო ეგზარქოსმა ბენიამინმა მიტროპოლიტ შიო მუჯირს სამძიმრის წერილი მისწერა, რომელშიც, რუსეთის პატრიარქის წერილის მსგავსად, ნახსენები არაა “ბიჭვინთისა და ცხუმ-აფხაზეთის მიტროპოლიტი”.
პატრიარქი ილია მეორე 17 მარტს გარდაიცვალა. მას 22 მარტს სიონის საკათედრო ტაძარში დაკრძალავენ, მანამდე კი მისი სამოქალაქო პანაშვიდები 24 საათის განმავლობაში სამების საკათედრო ტაძარში მიმდინარეობს. ცნობილია, რომ დაკრძალვაზე ჩამოვა მსოფლიო პატრიარქი ბართლომეუსი.
ილია II საქართველოს მართლმადიდებელი ეკლესიის წინამღძვრად 1977 წელს აირჩიეს.