დღეს პატრიარქის ნათლულები ფეხით მსვლელობას აწყობენ. მსვლელობა 20:00 საათზე ავლაბრის მეტროსთან დაიწყება და სამების ტაძართან დასრულდება – ინფორმაციას საპატრიარქო ავრცელებს.
“დღეს, 19 მარტს, საღამოს, 20:00 საათზე, პატრიარქის ნათლულები აწყობენ ფეხით მსვლელობას ავლაბრის მეტროდან სამების ტაძრამდე“, – წერია საქართველოს საპატრიარქოს ოფიციალურ გვერდზე.
შეგახსენებთ, რომ ამ დროისთვის სამების საკათედრო ტაძარში პანაშვიდი გრძელდება. პატრიარქთან გამოსამშვიდობებლად მრევლის ნაკადი არ წყდება.
სამების საკათედრო ტაძრის მიმდებარე ტერიტორიაზე ავტომობილების მოძრაობა შეზღუდულია, ხოლო ქვეითად მოსიარულეებს მეტროსადგურ “ავლაბრიდან” სამების საკათედრო ტაძრამდე ასვლა მესხიშვილის ქუჩის გავლით შეეძლებათ, უკან ჩამოსვლა კი გონაშვილის ქუჩის გავლით იქნება შესაძლებელი.