საპატრიარქოსთან უსაფრთხოების განსაკუთრებული ზომებია მიღებული. დღეს ზუსტად 14:00 საათზე სინოდის სხდომაზე უნდა გაიმართოს, ამიტომ როგორც “ტვ პირველის” კორესპოდენტი იუწყება, ადგილზე სამართალდამცველები არიან მობილიზებულები.
საპატრიარქოში მისვლა უკვე დაიწყეს სასულიერო პირებმა. “პირველების” ინფრომაციით, კრებას სინოდის ყველა წევრი დაესწრება.
კრების დასრულების შემდეგ გამოცხადდება თარიღი, როდის დაკრძალავენ უწმინდეს და უნეტარესს.
ცნობილია, რომ სინოდის სხდომის დასრულების შემდეგ ასევე მის უწმინდესობასა და უნეტარესობას, სრულიად საქართველოს კათოლიკოს-პატრიარქ ილია II-ს საპატრიარქო რეზიდენციიდან გადაასვენებენ ყოვლადწმინდა სამების სახელობის საპატრიარქო ტაძარში. საქართველოს საპატრიარქოში 18 მარტს პანაშვიდი არ იგეგმება.
საპატრიარქო ტახტზე ასვლიდან 49-ე წელს, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, ილია მეორე, 93 წლის ასაკში გარდაიცვალა.