სინდისის პატიმრების საქმე სააპელაციოში – სინდისის პატიმრის ნიკოლოზ ჯავახიშვილის საქმეში ახალი მოწმე გამოჩნდა.
ახალგაზრდა კაცმა ვიდეო ჩაწერა და გაავრცელა. ოქროს მოწმე დეტალურად ჰყვება, როგორ მოხვდა სინდისის პატიმრის ხელში ფოიერვერკი.
ახალგაზრდა კაცი შავებში ჩაცმულ სავარაუდოდ აგენტ პროვოკატორებსაც ახსენებს, რომლებმაც , მისი თქმით, ჯავახიშვილი აიძულეს ფოერვერკი ხელში აეღო.
“ვაჟა თოდუამ და ვახტანგ ცალუღელაშვილმა დაკითხვის შესაძლებლობა არ მომცეს იმ მიზეზით, რომ საზოგადოებას სიმართლე არ გაეგო. დავინახე, როგორ მიუახლოვდა, შავებში ჩაცმული, შენიღბული პიროვნება და მას მოკიდებულ ფოირვერკს აწვდიდა ხელში, ნიკა კი უყვიროდა, რომ არ გამოგართმევო. შენიღბულმა პიროვნებამ ნიკას ფეხებთან დააგდო ეს ფოიერვერკი და ნიკას რომ ხელში არ აეღო და ჰაერში არ ესროლა, დავზარალდებოდით მე და ჩემ გარშემო მყოფი ხალხი სერიოზულად. ვუყურედბით, როგორ აიღო ნიკამ ფოირვერკი და როგორ გაიქცა, რომ ხალხის სიმჭიდროვის გამო, არავის მოხვედროდა. ჰაერში ნასროლი ფოიერვერკი, სრულიად შეუძლებელი იყო, რომ ე.წ. სამართადამცველებს მოხვედროდათ” – ამბობს ოქროს მოწმე.
თბილისის სააპელაციო სასამართლოში სინდისის 8 პატიმრის – ზვიად ცეცხლაძის, ვასილ კაძელაშვილის, ვეფხია კასრაძის, ინსაფ ალიევის, თორნიკე გოშაძის, გიორგი გორგაძის, ნიკოლოზ ჯავახიშვილისა და ირაკლი მიმინოშვილის სასამართლო პროცესი გაიმართა.
შემდეგი პროცესი 3 აპრილს ჩაინიშნა.