მიტანის სერვისის კომპანიები Wolt-ი, Glovo და Bolt-ი საქართველოს პლატფორმაზე უცხოელ კურიერებს აღარ დაასაქმებენ.
მიზეზი შრომითი მიგრაციის შესახებ კანონში შესული ცვლილებებია, რომლის თანახმად, მიმდინარე წლის 1-ელი მარტიდან, უცხო ქვეყნის მოქალაქეებს საქართველოში კურიერებად მუშაობა აეკრძალათ.
კომპანიებში არ აკონკრეტებენ, პარტნიორი კურიერების რა ნაწილი იყო უცხო ქვეყნის მოქალაქე, მაგრამ აცხადებენ, რომ ქართულ კანონმდებლობას დაიცავენ და პლატფორმაზე რეგისტრაცია ხელმისაწვდომი იქნება იმ პირებისთვის, რომლებიც საქართველოს კანონმდებლობის მოთხოვნებს აკმაყოფილებენ.
საქართველომ მთავრობამ მუდმივი ბინადრობის არმქონე უცხო ქვეყნის მოქალაქეებს კურიერებად, ტაქსის მძღოლებად და გიდებად მუშაობა ადგილობრივი შრომის ბაზრის დაცვის მიზნით აკრძალა. როგორც მძღოლებზე, ისე უცხოელ კურიერებზე აღსრულების მექანიზმი 2026 წლის 1 მაისიდან გავრცელდება. როგორ აისახება ახალი რეგულაცია მიტანის სერვისის ფასზე, სავარაუდოდ, მომდევნო თვეებში გამოჩნდება.
უცვლელად გთავაზობთ, ამ თემაზე, კომპანიების განმარტებებს, რომელიც BMG-ს მიაწოდეს: