საქართველოს ნაკრების ფორვარდმა, სანდრო მამუკელაშვილმა ტორონტოში „დეტროიტის“ წინააღმდეგ ითამაშა. „რეპტორსმა“ ნაციონალური საკალათბურთო ასოციაციის აღმოსავლეთის კონფერენციის ლიდერი „დეტროიტი“ დაძაბულ ბრძოლაში 118:109 დაამარცხა.
გამარჯვებაში 34-ქულიანი წვლილი ბრენდონ ინგრემმა შეიტანა. სანდრო მამუკელაშვილმა 15 წუთი ითამაშა, მატჩი 8 ქულით, 5 მოხსნითა და 2 პასით დაასრულა.
„ტორონტო რეპტორსს“ 38 მოგება, 29 წაგება აქვს და აღმოსავლეთის კონფერენციაში მეექვსე ადგილზეა. „დეტროიტი“ კი 48 მოგებით პირველია.
მამუს გუნდი მომდევნო მატჩს 19 მარტს სტუმრად, ჩიკაგოში გამართავს.