მოჯთაბა ხამენეი ჯანმრთელადაა და მას საფრთხე არ ემუქრება – ამის შესახებ ირანის საგარეო საქმეთა მინისტრმა აბას არაღჩიმ განაცხადა.
ირანის უმაღლეს ლიდერად დანიშვნის შემდეგ მოჯთაბა ხამენეი საჯაროდ არ გამოჩენილა, რამაც მისი მდგომარეობის შესახებ ეჭვები გააჩინა. მისი პირველი საჯარო მიმართვა სახელმწიფო ტელევიზიის ეთერში წამყვანმა წაიკითხა.
ირანის სახელმწიფო სააგენტოს Islamic Republic News Agency-ის ინფორმაციით, ირანის საგარეო საქმეთა მინისტრმა – აბას არაღჩიმ ასევე განაცხადა, რომ ირანში ვითარება სტაბილურია და მთავრობასა და სამხედრო სტრუქტურებში განხეთქილება არ არსებობს.