74 წლის ასაკში ცნობილი როკმენი, ჯგუფ „ბლიცის“ ხელმძღვანელი ვალერი კოჩაროვი გარდაიცვალა. სამწუხარო ინფორმაციას სოციალურ ქსელში „ბრავო რექორდსის“ პრეზიდენტი, ზაზა შენგელია ეხმაურება.
“ვალერი კოჩაროვი – ბაჩი ქიტიაშვილთან, სოსო კამალოვთან, ვოვა მოგელაძესთან და სხვა თანამოაზრებთან ერთად, თანამედროვე ქართული როკის ერთ-ერთი ფუძემდებელი… აღარ გვყავს.
სწორედ ეს ადამიანები დგამდნენ პირველ ნაბიჯებს ”გაუკვალავ თოვლში”, როცა საბჭოთა ცენზურის გამო უზარმაზარი ბრძოლა უწევდათ თავიანთი მუსიკის ანდერგრაუნდიდან გამოსატანად. ვალერის და მისი “ბლიცის” სასარგელოდ უნდა ითქვას, რომ გასული საუკუნის 70-იან წლებში მათ უდიდესი მუშაობა გასწიეს “ბითლზების” მუსიკის პოპულარიზაციისათვის საქართველოში და მუსიკის მოყვარულებს ლეგენდარული ბრიტანული ჯგუფისადმი მიძღვნილი ფანტასტიური კონცერტების სერია აჩუქეს. ამის შემდეგ მათ დიდი წარმატება ჰქონდათ ლივერპულში, “ბიტლომანიის” ყოველწლიურ მსოფლიო მუსიკალურ ფესტივალზე, სადაც საპატიო ჯილდო დაიმსახურეს.
ბედნიერი, ვარ რომ 1982 წელს, ვალერი კოჩაროვი და მისი ბენდი ჩემს მიერ ორგანიზებულ პირველ სტუდენტურ როკ-ფესტივალზე გამოვიდნენ, დადა დადიანთან, ირაკლი ჩარკვიანთან, ქიშო გლუნჩაძესთან, ზაზა ხუციშვილთან, რომა რცხილაძესთან, დათო ლომიძესთან და სხვა მუსიკოსებთან ერთად.
მადლობა შენი მუსიკისთვის. მშვიდობით, მეგობარო”, – წერს ზაზა შენგელია “ფეისბუქი”-ს პირად გვერდზე.
https://mix.metronome.ge/%e1%83%9a%e1%83%94%e1%83%92%e1%83%94%e1%83%9c%e1%83%93%e1%83%90%e1%83%a0%e1%83%a3%e1%83%9a%e1%83%98-%e1%83%a0%e1%83%9d%e1%83%99-%e1%83%9b%e1%83%9d%e1%83%9b%e1%83%a6%e1%83%94%e1%83%a0%e1%83%90%e1%83%9a/