ჯარის ძარცვის საქმეზე სასამართლოში ჩვენებას შესყიდვების დეპარტამენტის ყოფილი უფროსი, ვლადიმერ ღუდუშაური აძლევს. ღუდუშაური, რომელიც ამავე საქმეზე ბრალდებულია და 10 000-ლარიანი გირაოს საფუძველზე გათავისუფლდა, ამბობს, რომ საიდუმლო შესყიდვის განხორციელებაზე ბრძანება პირდაპირ ყოფილი მინისტრისგან, ჯუანშერ ბურჭულაძისგან მიიღო.
მან სასამართლოს უთხრა, რომ სწორედ ჯუანშერ ბურჭულაძემ სთხოვა ბიზნესმენ ზურა ტუკვაძესთან დაკავშირება.
მე რადგან დავალება მქონდა მინისტრისგან არც გადამიმოწმებია (ფასები) გრიფი ედო ამ შესყიდვებს, რადგან გორის ჰოსპიტალიდან მივიდა ასე წერილი.
“ნოემბრის თვეში დამიკავშირდა ბატონი მინისტრი, ჯუანშერ ბურჭულაძე, რომელმაც მითხრა, რომ გორის ჰოსპიტალისთვის საჭირო იყო ტექნიკის და ინვენტარის შესყიდვა, რომელიც უნდა შეგვეძინა საიდუმლო წესით. მკითხა ვიცნობდი თუ არა ზურა ტუკვაძეს, რაზეც მე ვუპასუხე, რომ არ ვიცნობიდ. შემდეგ მომცა ტუკვაძის ნომერი და დამავალა, რომ მისგან და მისი მითითებით განმეხორციელებია ეს შესყიდვა. შემდეგ მე საქმის კურსში ჩავაყენე მინისტრის მოადგილე, გიორგი ხაინდრავა ვუთხარი და მან მითხრა, მივყოლოდი მის მითითებებს. შემდეგ დავურეკე ტუკვაძეს და დავიბარე ჩემს სამუშაო კაბინეტში. რამდენიმე დღეში ის მოვიდა, გადმომცა მან ორი კომპანიის რეკვიზიტები (ერთ-ერთი შპს- სოლემარტის) და მითხრა, რომ უნდა ჩამეტარებინა შესყიდვა. შემდეგ მოვიდა გორის ჰოსპიტალიდან მოთხოვნა, სადაც იყო გრძელი სია. არცერთმა ჩემმა თანამშრომელმა არ იცოდა მინისტრის და ჩემი საუბრის შესახებ. ჩემს დავალებას ასრულებდნენ. სოლემარტმა მიიღო მარტო მონაწილეობა.
მე რადგან არ მქონდა გამოცდილება სამედიცინო ტექნიკის შესყიდვის, მე ერთი შეხედვით ვერ შევამჩნევდი, რომ ფასები იყო ბაზარზე არსებულზე მაღალი. მე რადგან დავალება მქონდა მინისტრისგან არც გადამიმოწმებია (ფასები) გრიფი ედო ამ შესყიდვებს, რადგან გორის ჰოსპიტალიდან მივიდა ასე წერილი”.- ვლადიმერ ღუდუშაური.
ღუდუშაურს პროკურომა ანი ლეკიაშვილმა კითვა დაუსვა ბრალდებულ ვასილ მხეიძეზეც, რაზეც შესყიდვების დეპარტამენტის ყოფილმა უფროსმა თქვა, რომ მას როგორც ბურჭულაძის ნათესავს ისე იცნობს.
ღუდუშაურის დღეს ჩადენილი სხდომათა დარბაზში აღიარა და მოინანია.
“ვასილ მხეიძეს ვიცნობ როგორც მინისტრის ნათესავს. მასთან საქმიანი ურთიერთობა ან მეგობრული არ მქონია. არ ვიცოდი რომ მხეიძეს (შესყიდვიდან) 10 % მიჰქონდა მინისტრთან.
ვიაზრებ გარემოებებს, რომ აღბიშნული ქმედებით ზიანი მივაყენე ბიუჯეტს. ვაღიარებ და ვნანონ. უნდა ვთქვა რომ სხვა თანამშრონლებმა არ იცოდნენ ვინც ჩემს დაქვემდებარებაში იყვნეენ. ჩემს დავალებებს ასრულებდნენ.
მინისტრთან იყო შეთანხმებული ყველა დიდი შესყიდვა”, – განაცხადა ღუდუშაურმა.
ცნობისთვის, სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე ბრალდებულ თავდაცვის ყოფილ მინისტრს, ჯუანშერ ბურჭულაძეს საერთო ჯამში 1 593 212 ლარის უკანონო და დაუსაბუთებელი შემოსავლის ლეგალიზაციას ედავებიან.
შეგახსენებთ იმასაც, რომ დიდი ოდენობით თანხის გაფლანგვის ბრალდებით დაკავებული არიან თავდაცვის მინისტრის ყოფილი მოადგილე, გიორგი ხაინდრავა, ამავე სამინისტროს შესყიდვების დეპარტამენტის ყოფილი უფროსი, ვლადიმერ ღუდუშაური და ჯუანშერ ბურჭულაძის ცოლის ძმა, ვასილ მხეიძე.