ტყვიით დაჭრილი ძაღლი, სიღნაღიდან ცხოველთა თავშესაფარში გადაიყვანეს.
თავშესაფრის დამფუძნებელი, თამაზ ელიზბარაშვილი, სოციალურ ქსელში წერს, რომ სიღნაღის მუნიციპალიტეტიდან დაწესებულებას 10 მარტს მიმართეს.
მისი ინფორმაციით, ცხოველს სპეციალური სამედიცინო კვლევა ჩაუტარდა და დადგინდა, რომ სხეულში რამდენიმე ტყვია აქვს მოხვედრილი, მათ შორის თავისა და ხერხემლის არეშიც.
ელიზბარაშვილი საზოგადოებას თავშესაფრის ბინადრებისათვის, საკვებისა და მცირე ფინანსური დახმარების თხოვნით მიმართავს.