ფიფა-ს პრეზიდენტმა, იტალიელმა ჯანი ინფანტინომ მოახლოებული მსოფლიო ჩემპიონატის შესახებ ისაუბრა.
„მსოფლიო ჩემპიონატი ფანტასტიკური და განსაკუთრებული იქნება. შეერთებულ შტატებში, მექსიკასა და კანადაში ტურნირის მიმართ უპრეცედენტო ინტერესი შეინიშნება. მხოლოდ ოთხ კვირაში ბილეთებზე 500 მილიონზე მეტი მოთხოვნა მივიღეთ, რაც წარმოუდგენელი მაჩვენებელია. მთლიანობაში, დაახლოებით 7 მილიონი ბილეთი გვაქვს, მაგრამ 500 მილიონი მოთხოვნა ფიფა-ს და სხვა ორგანიზაციების ისტორიაშიც კი რეკორდული შედეგია.
104 მატჩიდან 77-ში ბილეთებზე მილიონზე მეტი განაცხადი შევიდა, დანარჩენ თამაშებზეც თითქმის იგივე მოთხოვნაა. ბილეთების ნაწილს სპეციალურად ვინახავთ ტურნირის განვითარების ეტაპებისა და ბოლო დღეებისთვის. ყველა სტადიონი სავსე იქნება – ნამდვილი საფეხბურთო ზეიმი გველის“, – ამბობს ინფანტინო.
მუნდიალის დაწყებამდე 100 დღეზე ნაკლები დარჩა. ტურნირი 11 ივნისს აიღებს სტარტს, ხოლო ფინალური მატჩი 18 ივლისს შედგება.