მოჯთაბა ხამენეიმ უზენაესი ლიდერის რანგში პირველი მიმართვა გაავრცელა.
„მშვიდობა დიდებულ, მამაც და ღირსეულ ირანელ ერს, რომელმაც მტკიცედ გაუძლო ყველა განსაცდელს.
დღეს ჩვენ ვდებთ პირობას, რომ ერთგულად გავაგრძელებთ წინამორბედი ლიდერების გზას და ვივლით ჩვენი მოწამეების კვალდაკვალ.
ჩვენ დავიცავთ პატივს, ღირსებას, თავისუფლებასა და სიამაყეს.“ – ამბობს ვიდეომიმართვაში ალი ხამენეის მემკვიდრე, ირანის ახალი უზენაესი ლიდერი, მოჯთაბა ხამენეი
ირანის ექსპერტთა საბჭომ ალი ხამენეის შემცვლელად, ქვეყნის მესამე უმაღლეს ლიდერად მოჯთაბა ხამენეი აირჩია. ინფორმაცია ოფიციალურად დღეს დადასტურდა.