ირანის თავდასხმის შედეგად ცენტრალურ ისრაელში ერთი ადამიანი დაიღუპა. ამის შესახებ ინფორმაციას Times of Israel პირველადი რეაგირების სამსახურზე დაყრდნობით ავრცელებს.
მედიის ინფორმაციით, ცენტრალურ ისრაელზე, სავარაუდოდ, კასეტური ბომბებით მიტანილი იერიშის შედეგად დაშავებულთაგან ერთ-ერთი, რომელიც კრიტიკულ მდგომარეობაში იმყოფებოდა, გარდაიცვალა.
მათივე ცნობით, ირანის ბალისტიკური რაკეტით განხორციელებული თავდასხმის შედეგად ორ ლოკაციაზე სამი ადამიანი დაშავდა, რომელთაგან ერთ-ერთი მიყენებული ჭრილობების შედეგად გარდაიცვალა. მძიმედ არის დაჭრილი კიდევ ორი მამაკაცი.