ბათუმში მოქმედი პოლიციელი ყაჩაღობის ბრალდებით დააკავეს. ინფორმაციას „აჭარა თაიმსის“ ავრცელებს.
შემთხვევა რამდენიმე დღის წინ, ბათუმში, თაბუკაშვილის ქუჩაზე მდებარე ერთ-ერთ ქსელურ მაღაზიაში მოხდა. წყაროს ცნობით, დაკავებული პირი ტ.რ. არის და ის ბათუმის პოლიციის მესამე განყოფილების თანამშრომელი იყო.
შინაგან საქმეთა სამინისტროში განაცხადეს, რომ აღნიშნულ საქმეზე გამოძიებას პროკურატურა აწარმოებს.
მასალა განახლებადია.