რაგბი ევროპის ჩემპიონატის ფინალურ შეხვედრაში საქართველოს ნაკრების მეტოქე პორტუგალია იქნება – შეხვედრა 15 მარტს ლეგანესში, „ესტადიო ონტიმ ბუტარკეზე“ გაიმართება და 21:45 საათზე დაიწყება.
პორტუგალიის ნაკრებმა ნახევარფინალში ესპანეთის ნაკრებს 26:7 სძლია. პორტუგალიელებმა მეტოქეს ორი გარდასახული ლელო დაუდეს და ოთხი ჯარიმა გაუტანეს.
რაგბი ევროპის ჩემპიონატზე მესამე ადგილისთვის მატჩში ესპანეთის ნაკრები რუმინეთს დაუპირისპირდება.
შეგახსენებთ, რომ საქართველოს ნაკრებმა ნახევარფინალში „ავჭალის“ სტადიონზე რუმინეთის ნაკრები 53:30 დაამარცხა.