საფრანგეთის პრეზიდენტის, ემანუელ მაკრონის განცხადებით, ირანის პრეზიდენტს, მასუდ ფეზექშქიანს ტელეფონით ესაუბრა. მისივე თქმით, ხაზი გაუსვა ირანის მხრიდან მეზობელი ქვეყნების დაბომბვის შეჩერების აუცილებლობას:
“ვესაუბრე ირანის პრეზიდენტს მასუდ ფეზეშქიანს. მას ვუთხარი, რომ ჩვენთვის აბსოლუტურად პრიორიტეტია სესილ კოლერისა და ჟაკ პარის უსაფრთხოება და საფრანგეთში მათი დაბრუნება, რომლებიც ამჟამად საფრანგეთის საელჩოში იმყოფებიან. ხაზგასმით აღვნიშნე, ირანის მიერ რეგიონის ქვეყნებზე დარტყმების დაუყოვნებლივ შეწყვეტის აუცილებლობა. ირანმა ასევე უნდა უზრუნველყოს ნაოსნობის თავისუფლება და შეწყვიტოს ჰორმუზის სრუტის ფაქტობრივი ჩაკეტვა. ბოლოს, კიდევ ერთხელ დავაფიქსირე ჩემი ღრმა შეშფოთება ირანის ბირთვული და ბალისტიკური პროგრამების განვითარებისა და რეგიონში მისი დესტაბილიზაციის გამომწვევი ყველა ქმედების გამო, რომელიც მიმდინარე კრიზისის სათავეში დგას. დიპლომატიური გადაწყვეტა, როგორც არასდროს, აუცილებელია ამ გადამწყვეტი გამოწვევების საპასუხოდ, ესკალაციისა და მშვიდობის შესანარჩუნებლად. ჩვენ შევთანხმდით კონტაქტის შენარჩუნებაზე” – წერს საფრანგეთის პრეზიდენტი, ემანუელ მაკრონი X-ზე.