ირანის საგარეო საქმეთა მინისტრი აბას არაღჩი აცხადებს, რომ ამ ეტაპზე უცნობია, ვინ გახდება ქვეყნის ახალი უზენაესი ლიდერი. მისი თქმით, მიუხედავად გავრცელებული ცნობებისა, გადაწყვეტილებას ოფიციალურად მხოლოდ ექსპერტთა ასამბლეა მიიღებს.
NBC-თან ინტერვიუში არაღჩიმ აღნიშნა, რომ ასამბლეის შეკრებამდე ქვეყანა დროებითი ლიდერთა საბჭოს მართავს და სახელმწიფო ინსტიტუტები ჩვეულებრივ აგრძელებენ მუშაობას.
მან ასევე უპასუხა აშშ-ის პრეზიდენტ დონალდ ტრამპის განცხადებას ირანის ლიდერის არჩევაში შესაძლო მონაწილეობის შესახებ და აღნიშნა, რომ ირანი საკუთარ საშინაო საქმეებში ჩარევას არ დაუშვებს.
არაღჩის თქმით, ირანი უარს ამბობს „უპირობო კაპიტულაციაზე“ და აცხადებს, რომ სამხედრო მოქმედებები თავდაცვის მიზნით მიმდინარეობს, თუმცა დაამატა, რომ „ამ ომის გაგრძელება არავის სურს“.