საქალაქო სასამართლოში თავდაცვის ეს მინისტრის, თინა ხიდაშელის გამოკითხვა დასრულდა. საქმე ეხება გამოძიებას, რომელიც სახელმწიფო უსაფრთხოების სამსახურმა დაიწყო. საქმე აღძრულია მუხლით, რომელიც „უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარებას“ გულისხმობს.
ხიდაშელით სუსი მას შემდეგ დაინტერესდა, რაც მან ტვ პირველის ეთერში საქართველოში ირანის ინტერესებზე და ირანულ გავლენებზე ისაუბრა.
გამოკითხვის დასრულების შემდეგ ხიდაშელმა განაცხადა, რომ გამოძიებისთვის საჭირო ყველა ინფორმაცია საჯარო სივრცეშია ხელმისაწვდომი და თავადაც მხოლოდ ასეთ მონაცემებზე აქვს წვდომა. მისი თქმით, საგამოძიებო უწყების მხრიდან კითხვების დასმა ნორმალური პროცესია და მას ამაში პრობლემას ვერ ხედავს.
ხიდაშელი ასევე აღნიშნავს, რომ მისი მიზანი სწორედ შესაძლო საფრთხეებზე ყურადღების მიქცევა იყო და იმედი გამოთქვა, რომ საგამოძიებო ორგანოები საკითხს ბოლომდე შეისწავლიან.
“ყველა ფაქტი, რომელიც არსებობს, საჯარო სივრცეშია ხელმისაწვდომი. მე ვარ კერძო პირი და წვდომა მაქვს მხოლოდ იმ ინფრომაციაზე, რომელილც საჯარო სივრცეში ხელმისაწვდომი. კითხვების დასმაში არ არის პრობლემა, ეს ნორმალური პროცესია. მე, სიმართლე გითხრათ, იქაც ვუთხარი სასამართლოში და ახლაც შემიძლია, გავიმეორო, რომ ჩემი ამოცანა მიღწეულია. მე მინდოდა, როგორც ხდება ნორმალურ, ცივილიზებულ ქვეყნებში, რომ ვიღაც საყვირს ჩაბერავს ასფრთხის შესახებ და მერე საგამოძებო ორგანოები ამ საფრთხესმოიკვლევენ, როგორც ჩანს, ჩემი ამოცანა შესრულებულია – ისინი დაინტერესდნენ. თუ რამე საფრთხე ემუქრება ქვეყანას, იმედი დავიტოვოთ, რომ ამას გაარკვევენ.
არ ვიცი, ვის რა მცდელობა აქვს. მე რომ ვერაფრით შემაშინებენ, მემგონი, ამ 32 წლის განმავლობაში, რაც ტელეეკრანებზე მხედავს ხალხი, უკვე ეს დადასტურებულია.
მართლა ვერ ვხედავ პრობლემას მოწმის სახით რომ იკითხება რამე საკითხზე”, – ამბობს ხიდაშელი.
ამ დრომდე საქალაქო სასამართლოშ გამომძიებლების კითხვეს პასუხობს გიორგი კანდელაკი.