ისრაელის თავდაცვის ძალების განცხადებით, თეირანში, „ირანის ტერორისტული რეჟიმის ინფრასტრუქტურაზე“ დარტყმების ფართო ტალღა დაიწყეს – აღნიშნულის შესახებ ინფორმაციას The Times of Israel-ი ავრცელებს.
ირანის ნახევრად ოფიციალური საინფორმაციო სააგენტო Mehr-ის და ირანის სახელმწიფო ტელევიზიის ცნობით, დედაქალაქში აფეთქებების ხმა ისმის.
ირანის სახელმწიფო საინფორმაციო სააგენტო IRNA-მ გაავრცელა ინფორმაცია, რომ ირანის ისლამური რევოლუციის გუშაგთა კორპუსმა განცხადება გაავრცელა, რომლის თანახმადაც, თელ-ავივის მიმართულებით რაკეტები და დრონები გაუშვეს და თავდასხმის სამიზნე ქალაქის ცენტრში მდებარე ობიექტებია.