ნახიჩევანზე დრონებით განხორციელებული თავდასხმის შედეგად დაშავებულთა რიცხვი 4-მდე გაიზარდა. როგორც აზერბაიჯანული მედია APA წერს, დაშავებულები საავადმყოფოში იმყოფებიან და შესაბამის მკურნალობას გადიან. ერთ-ერთი დაშავებული აეროპორტის თანამშრომელია, რომელსაც თავის დახურული ტრავმა აღენიშნება, მას სმენასთან დაკავშირებული გარკვეული პრობლემებიც აქვს.
მეორე დაშავებულს დაზიანებები მხარზე აღენიშნება, თავის დახურული ტრავმა მიიღო ერთ-ერთმა მოქალაქემაც, დრონის ჩამოვარდნის შედეგად მეოთხე დაშავებულს კი დაზიანებები გულმკერდის არეში აქვს მიყენებული. ექიმების თქმით, დაშავებულების მდგომარეობა სტაბილურია და სიცოცხლისთვის საშიში არ არის.