ხანძარი დიდ დიღომში. ხელაშვილის ქუჩაზე მდებარე საამქროს ცეცხლი გვიან ღამით წაეკიდა. დაიწვა დაახლოებით 2500 კვადრატული მეტრი ფართობი. ადგილზე მობილიზებული იყო სახანძრო-სამაშველოს რამდენიმე ეკიპაჟი. ხანძრის შედეგად არავინ დაშავებულა.
საგანგებო სიტუაციების მართვის სამსახურის უფროსის, თეიმურაზ მღებრიშვილის განცხადებით, ცეცხლის გაჩენის მიზეზი ჯერ-ჯერობით უცნობია.
“დაიწვა დაახლოებით 2500 კვადრატული მეტრი საამქროს ტერიტორია. საბედნიეროდ, დაშავებული არავინ არის, მობილიზებულია 21 სახანძრო ავტო სპეცტექნიკა. მიზეზები მოგვიანებით იქნება ცნობილი”, – განაცხადა თეიმურაზ მღებრიშვილმა.