ნატოს ძალებმა თურქეთის საჰაერო სივრცეში ირანული რაკეტა ჩამოაგდეს – ინფორმაციას ქვეყნის თავდაცვის სამინისტრო ავრცელებს. შემთხვევის შედეგად არავინ დაშავებულა.
“ჩვენ ვიტოვებთ უფლებას, პასუხი გავცეთ ჩვენი სახელმწიფოს წინააღმდეგ მიმართულ ნებისმიერ მტრულ ქმედებას“ – განაცხადა თურქეთის თავდაცვის სამინისტრომ.
„NATO მტკიცედ დგას ყველა მოკავშირის, მათ შორის თურქეთის გვერდით მაშინ, როდესაც ირანი აგრძელებს განურჩეველ თავდასხმებს რეგიონში. ჩვენი შეკავებისა და თავდაცვის პოზიცია ყველა სფეროში ძლიერია, მათ შორის საჰაერო და სარაკეტო თავდაცვის კუთხით“ – განაცხადა NATO-ს პრესსპიკერმა, ალისონ ჰარტიმ.