ვოლოდიმირ ზელენსკი – “მჯერა, რომ ვიქტორ ორბანი არჩევნებს წააგებს და უნგრეთთან ურთიერთობები ნორმალიზდება”.
ვიქტორ ორბანი მნიშვნელოვანი ხდება მაშინ, როდესაც მნიშვნელოვანი პოლიტიკური ძალები აძლევენ მას ძალას, წინააღმდეგ შემთხვევაში ის ნაკლებად ღირებულია, – ამის შესახებ უკრაინის პრეზიდენტმა, ვოლოდიმირ ზელენსკიმ იტალიურ ტელევიზიასთან ინტერვიუში განაცხადა.
ზელენსკის თქმით, უნგრეთი მნიშვნელოვანი ქვეყანაა, თუმცა სამხედრო წონა არ აქვს.
„უნგრეთი მნიშვნელოვანი ქვეყანაა, მაგრამ მას სამხედრო წონა არ აქვს. მე არ ვესაუბრები მას, რადგან მას არ სურს, მაგრამ მაქვს კონტაქტი რობერტ ფიცოსთან. მჯერა, რომ ორბანი არჩევნებში დამარცხდება და შემდეგ ჩვენ შევძლებთ აღვადგინოთ რეგულარული ურთიერთობები უნგრეთთან, ასევე იმიტომ, რომ უნგრელი ხალხი პრორუსული არ არის. მე არაერთხელ მითქვამს, რომ ჩვენ არ შეგვიძლია რუსეთისგან ენერგიის ყიდვა. პუტინი დაუყოვნებლივ გამოიყენებს ახალ ფინანსებს იარაღის შესაძენად და უკრაინის წინააღმდეგ გამოსაყენებლად. რუსებმა რამდენჯერმე დაბომბეს „დრუჟბა“ და შემდეგ თავს დაესხნენ ჩვენს ტექნიკოსებს, რომლებიც მის აღდგენას ცდილობდნენ. რატომ არ დაადანაშაულა ორბანმა რუსები დაბომბვაში? მე ავუხსენი ფიცოს, მილსადენი განადგურებულია, მის შესაკეთებლად საჭიროა ცეცხლის შეწყვეტა და ეს პუტინს უნდა აუხსნათ“, – განაცხადა ზელენსკიმ.