რესპუბლიკის მოედნის ქვეშ მდებარე მიწისქვეშა კომპლექსის უძრავი ქონების რეალიზაციის მიზნით 3.6-მილიონიანი აუქციონი გამოცხადდა – გამოცემა Bm. ge-ის ცნობით, სარეალიზაციოდ გამოტანილია საერთო ჯამში 1,363 კვადრატული მეტრი, რომელიც მინუს 1, მინუს 2 და მინუს 3 სართულებზე მდებარეობს. მათივე ცნობით, აუქციონის საწყისი ღირებულება 3,618,000 ლარს, ანუ კვადრატულ მეტრზე 2654 ლარს (986 დოლარს) შეადგენს.
აუქციონში კომპანიებს საკუთარი წინადადებების წარდგენა 9 მარტის ჩათვლით შეეძლებათ.
“თანდართული ფოტომასალის თანახმად, აღნიშნული უძრავი ქონება ამორტიზებულია და მნიშვნელოვან სარემონტო/სარეკონსტრუქციო სამუშაოებს საჭიროებს. ამასთან, აუქციონის უპირობოა, შესაბამისად არაა განსაზღვრული თუ რა სახის ობიექტად უნდა გარდაქმნას ტერიტორიის შემსყიდველმა აღნიშნული სივრცე და რამდენი მილიონი ლარის ინვესტიცია უნდა დააბანდოს მასში” – წერს გამოცემა აუქციონის პირობებზე დაყრდნობით.