ქართველი მომღერალი ქეთა თოფურია, რომელიც რუსეთში ცხოვრობს და საქმიანობს, სოციალურ ქსელში აქვეყნებს ვიდეოს, სადაც ის მოსკოვურ გაზაფხულზე საუბრობს.
“რა მშვენიერი ამინდია დღეს მოსკოვში… როგორც იქნა, მოვიდა გაზაფხული… ცისფერი ცა… მზე… მოსკოვური გაზაფხული… მიყვარს… კარგ დღეს გისურვებთ…!”, – ამბობს თოფურია ვიდეოში.
უკრაინაში რუსეთის შეჭრის შემდეგ კულტურის სფეროს არაერთმა წარმომადგენელმა ღიად დაგმო რუსული აგრესია და უკრაინას მხარდაჭერა გამოუცხადა. რუსეთის ცნობილმა სახეებმა საკუთარი ქვეყნის ხელისუფლების სასტიკი ქმედებები სხვადასხვა სახით გააპროტესტეს, მეტიც, ზოგიერთმა მათგანმა სამშობლოც კი დატოვა.
რაც შეეხება ქეთა თოფურიას უკრაინაში ომის დაწყების დროს საკუთარ Instagram-ზე გამოაქვეყნა ფოტო წარწერით “არა ომს”, თუმცა, მას შემდეგ დუმილი ამჯობინა. არც უკრაინელი ხალხისთვის გამოუხატავს სოლიდარობა და არც იმ არაადამიანურ მოპყრობაზე გაუკეთებია რაიმე სახის კომენტარი, რასაც რუსი აგრესორები უკვე 51-ე დღეა ახორციელებენ, მიუხედავად იმისა, რომ მისი სამშბოლოს ტერიტორიის 20% ოკუპირებულია რუსეთის მიერ.
ქართველი მომღერლის აღნიშნულ პოზიციას ქართული საზოგადოების დიდი ნაწილი მწვავედ აკრიტიკებს და მას მოღალატეობრივ დამოკიდებულებაში ადანაშაულებს.
“მრცხვენია, რომ ქართველი ხარ” – “შენს ადგილას შემრცხვებოდა გამოჩენა” – “მოღალატე ხარ!” – “მოსკოვური გაზაფხული არა?! – არ გინდა ნახო, როგორია გაზაფხული ბუჩაში, მაიოპულში, ხარკოვში და ა.შ… – მოიშორე ეგ ფილტრი სახიდან და ერთი თვალით შეიხედე იქ”… “საქართველოში უფრო ლამაზია გაზაფხული და უკრაინაშიც ლამაზი იქნებოდა, რომ არა მოსკოვის ბოროტების მანქანა, რამდენი ბავშვი ვეღარ შეხვდება გაზაფხულს მისი წყალობით….” –
“ფულზე გაყიდული”- საქართველოს სირცხვილი ხარ” – ბოლო გაზაფხულია ფაშისტური რუსეთისთვის” – “ასეთი ლამაზი გაზაფხული უნდა დამდგარიყო უკრაინაშიც ჩემო ქეთა…. იმ გაზაფხულის სურნელით უნდა დამტკბარიყვნენ ის ბავშვები რომელიც რუს ჯალათებმა არ დაინდეს და ჩაცხრილეს…” – “გაჩუმდი მაინც…”– უწერენ თოფურიას კომენტარებში.