ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, კაია კალასი, აიათოლა ალი ხამენეის გარდაცვალებას ირანისთვის ისტორიულ და გარდამტეხ მოვლენად აფასებს. მისი თქმით, ამ ეტაპზე გაურკვეველია, როგორ განვითარდება მოვლენები, თუმცა არსებული ვითარება ქვეყანას ახალი მიმართულებით განვითარების შესაძლებლობას აძლევს.
„აიათოლა ალი ხამენეის სიკვდილი ირანის ისტორიაში გადამწყვეტი მომენტია. გაურკვეველია, რა მოხდება შემდეგ. თუმცა, ახლა გზა ღიაა განსხვავებული ირანისკენ, ისეთისკენ, რომლის ჩამოყალიბების თავისუფლებაც მის ხალხს შეიძლება მეტი ჰქონდეს“, – წერს კალასი.
ევროკავშირის უმაღლესი წარმომადგენლის განცხადებით, ის აქტიურ კონტაქტშია საერთაშორისო პარტნიორებთან, მათ შორის რეგიონში მყოფ ქვეყნებთან, რათა დაძაბულობის შემცირების გზები გამოიძებნოს.
„კონტაქტზე ვარ პარტნიორებთან, მათ შორის რეგიონში მყოფ პარტნიორებთან, რომლებიც ირანის სამხედრო მოქმედებების ყველაზე დიდ ტვირთს განიცდიან, რათა ვიპოვო პრაქტიკული ნაბიჯები დეესკალაციისთვის“, – აღნიშნავს კალასი.