“ცინიკური მკვლელობა” – პუტინი ხამეინის ლიკვიდაციას ეხმაურება

რუსეთის ლიდერმა ვლადიმირ პუტინმა ირანის უზენაესი ლიდერის, აიათოლა ალი ხამენეის ლიკვიდაციასთან დაკავშირებით კომენტარი გააკეთა.

როგორც პროპაგანდისტული ТАСС წერს, პუტინმა ხამენეის გარდაცვალების გამო სამძიმარი გამოუცხადა ირანის პრეზიდენტს მასუდ ფეზეშქიანს. შესაბამისი ტელეგრამა კრემლის ოფიციალურ ვებგვერდზე გამოქვეყნდა.

პუტინმა ხამენეის ლიკვიდაცია შეაფასა როგორც „ცინიკური მკვლელობა, რომელიც არღვევს ადამიანური მორალისა და საერთაშორისო სამართლის ყველა ნორმას“.

მისივე თქმით, რუსეთში ხამენეის გაიხსენებენ როგორც „გამორჩეულ სახელმწიფო მოღვაწეს, რომელმაც ორი ქვეყნის ურთიერთობების განვითარებაში მნიშვნელოვანი წვლილი შეიტანა“.

პუტინმა ასევე „თანაგრძნობა და მხარდაჭერა“ გამოუცხადა ხამენეის ოჯახის წევრებს, ირანის მთავრობასა და ხალხს.

ამასთან, პუტინს არ უხსენებია ირანისთვის შესაძლო დახმარება, მიუხედავად იმისა, რომ ის რუსეთის ერთ-ერთ მთავარ მოკავშირედ ითვლება.