ვაჟა თოდუა ის პროკურორია, რომელიც დღეს მისავე მოწმემ ამხილა. სასამართლო პროცესზე მოსულმა გამომძიებელმა მოსამართლის თანდასწრებით თქვა, რომ ათონელის სასახლის ტერიტორიაზე საგამოძიებო მოქმედებებში მიიღო მონაწილეობა. დალუქა და შეინახა ინციდენტის ადგილზე ნაპოვნი ყველა ნივთი, თუმცა მთავარი მტკიცებულება – ღობე და მისის სექციები ნივთმტკიცებად ვაჟა თოდუას ბრძანებით არ ამოიღო.
პროკურორის მხილების გარდა გამომძიებელმა ზურაბ კუპრავამ დღეს ირაკლი ნადირაძეს დაუდასტურა, რომ სასახლის ღობის მოხსნა 4 წამში აქციის 4 მონაწილემ შეძლო.
ხმაურიანი აღმოჩდნა დღევანდელ პროცესზე ბრალდების მხარის კიდევ ერთი მოწმის გამოკითხვა. ილია ბერიშვილი, რომელსაც სისტემაში მუშაობის 20 წლიანი გამოცდილება გააჩნია, ამტკიცებდა, რომ გდდ-ს ყოფილი მაღალჩინოსნის ირაკლი შაიშმელაშვილის შესახებ ინფორმაცია პირადმა კონტაქტმა მიაწოდა და თან დაურთო საჯაროდ გავრცელებული ვიდეო მიმართვები. მოწმე ირწმუნებოდა, რომ პირად კონტაქტთან შაიშმელაშვილმა აქციის ორგანიზატორმა აღიარა, თუმცა ეს გამოკითხვის ოქმში არ ეწერა. რატომ ? – ადვოკატის ამ კითხვას დღეს სხდომაზე ხმაური მოუვა.