61 წლის მონიკა ბელუჩი მრავალი წელია, სტილისა და სილამაზის სიმბოლოდ ითვლება და საზოგადოებაში მისი ყოველი ახალი გამოჩენა განსაკუთრებულ ინტერესს იწვევს. მსახიობის დახვეწილი, ელეგანტური, მარტივი სტილი დღემდე ბევრი ქალისთვის შთამაგონებელია.
იგი 2026 წლის BAFTA-ს დაჯილდოებაზე საკმაოდ ეფექტური კოსტიუმითა და აქსესუარებით გამოჩნდა და არაერთი კომპლიმენტიც დაიმსახურა.
კითხვაზე, თუ როგორი სტილის სამოსი ანიჭებს მას მეტ თავდაჯერებულობას, მონიკა ბელუჩი პასუხობს:
“მიყვარს სწორი და მარტივი ხაზები, რადგან სხეულის ფორმები მაქვს და, როგორც წესი, შავ ფერს ვანიჭებ უპირატესობას. თუმცა ზოგჯერ წითელიც მომწონს, ზოგჯერ თეთრიც და უფრო დახვეწილი დეტალებიც. ეს განწყობაზეა დამოკიდებული, მაგრამ უმეტესად მარტივ სილუეტებს ვირჩევ. ჩემი სხეულის ტიპისთვის სიმარტივე უკეთესია.”
მომზადებისთვის იდეალურ გარემოს კი მსახიობი ასე აღწერს:
“მირჩევნია პირადი სივრცე და საკმარისი დრო, რომ არ ვიჩქარო. ასევე, მიყვარს იმ ადამიანებთან მუშაობა, ვისთანაც თავს კომფორტულად ვგრძნობ – შესაძლებლობის შემთხვევაში, ჩემს საყვარელ ვიზაჟისტთან და სტილისტთან. მომზადებისთვის დრო მჭირდება, რადგან, მიუხედავად იმისა, რომ ამ საქმეს დიდი ხანია, ვაკეთებ, წითელ ხალიჩაზე გასვლა ჩემთვის ყოველთვის გარკვეულ წნეხს უკავშირდება. ფილმის გადაღებისას ადამიანი გარკვეულწილად დაცულია, წითელ ხალიჩაზე კი ყველაფერი სხვაგვარადაა. როდესაც პირდაპირ საზოგადოების წინაშე დგახარ, ეს ემოციას ყოველთვის იწვევს. ყვირილი, ფოტოს გადაღების სურვილი – ამას ვგრძნობ და მესმის, მაგრამ გამოსვლამდე რამდენიმე მშვიდი წუთი მჭირდება. თეატრშიც იგივე განცდა მაქვს – ენერგიას გასცემ და იღებ; ეს ძლიერი მომენტია და მასთან გამკლავება აუცილებელია.”