ჟურნალისტმა ნინო ჟიჟილაშვილმა ტელეკომპანია “ფორმულა”-ს ეთერში მწვავედ გააკრტიკა პრემიერ ღარიბაშვილის პოლიტიკა და აღნიშნა, რომ მთავრობის მეთაური პირდაპირი მნიშვნელობით ბიძინა ივანიშვილის სურვილების გამტარია, რამაც შეიძლება ქვეყანა უკიდურეს მდგომარეობამდე მიიყვანოს.
“ყველამ კარგად ვიცით, რომ ეს კაცი (ღარიბაშვილი) არის პირდაპირი გამტარი ივანიშვილის სურვილების, დაკვეთების, თითის დატკაცუნებით, ერთი ტაშის შემოკვრით ადგილზე ცეკვის… მოდით ასე ვთქვათ, პირდაპირ. ჩვენ არ გვაქვს მოლოდინი, რომ ის საზოგადოებრივ აზრს გაითვალისწინებს და რაღაც აქცენტებს შეცვლის თავის რიტორიკაში, რომელზეც წარმოდგენა არ აქვს საით მიჰყავს პროცესები. მემგონი, საერთოდ არ ესმის რას აკეთებს, ესმის? – ამ კაცს არ ესმის, ან რა პოზიციაზე, ან რა პასუხისმგებლობები აქვს…
ჩვენ მოქალაქეები ვიდრე არ გავარკვევთ რასთან გვაქვს საქმე და რა მდგომარეობაში ჩავიგდეთ თავი, ეს სულ ასე იქნება… ვიდრე ცვლილება არ დადგება, ჩვენ ამ პრობლემებს, კიდევ უფრო უარესს, თავიდან ვერ ავიცილებთ, სხვათაშორის, ომის ჩათვლით, რომელსაც საქართველო (ღმერთმა ნუ ქნას) დახვდება ყოვლად მოუმზადებელი, ყოველგვარი წინაპირობების გარეშე დაჩოქილი ამ ხელისუფლების ხელში, ყველაფერს დავკარგავთ, ამაზე დავფქირდეთ ყველა”, – თქვა ჟიჟილაშვილმა.