მომღერალსა და ტელეწამყვანს ლელა წურწუმიას კორონავირუსი მეორედ დაუდასტურდა. ამის შესახებ ინფორმაციას სოციალურ ქსელში მომღერლის მეუღლე, პროდიუსერი, კახა მამულაშვილი (მამულიჩა) ავრცელებს.
“მეგობრებო, გილოცავთ ხარებას.
ამ კოვიდმა, მე მგონი, ბოლო კუდი მოისროლა და ლელასთან მოვიდა. 15 აპრილის კონცერტი ვარციხის მარანში, გადაიდო 30 აპრილს”, – წერს მამულაშვილი “ფეისბუქი”-ს პირად გვერდზე.
არსებული ინფორმაციით, ლელა წურწუმიას ომიკრონი დაუდასტურდა. მისი ჯანმრთელობის მდგომარეობა საშუალო სიმძიმისაა. პაციენტი მკურნალობას პირველ საუნივერსიტეტო კლინიკაში გადის.