ქობულეთში ავარიის შედეგად დაღუპულები ჯარისკაცები არიან – ინფორმაციას ambebi ge ავრცელებს.
ავარიის შედეგად დღეს 2 ადამიანი გარდაიცვალა, 1 კი დაშავდა.
დაშავებულია სატვირთო ავტომობილის აზერბაიჯანელი მძღოლი, რომელიც კლინიკაშია გადაყვანილი.
დაღუპულები კი ავტობუსში იმყოფებოდნენ.
გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.