ირაკლი რუხაძე სანქცირებული „იმედის“ სამეთვალყურეო საბჭოს წევრი აღარ არის

ირაკლი რუხაძე სანქცირებული „ტელეიმედის“ სამეთვალყურეო საბჭოს წევრი აღარ არის – საჯარო რეესტრმა მისი განცხადებები დააკმაყოფილა.

საბჭოს წევრები აღარ არიან გიორგი ბახტაძე, გიორგი კალანდარიშვილი და დავით შონია. სამეთვალყურეო საბჭოში მხოლოდ მაკა ლომიძე რჩება, რომელიც ამავდროულად „იმედის“ დირექტორია.

საჯარო რეესტრში წარდგენილ განცხადებაში „ტელეიმედის“ სამეთვალყურეო საბჭოს ახლა უკვე ყოფილი წევრები განაცხადების დაკმაყოფილებას დაჩქარებული წესით ითხოვდნენ და თითოეულმა 414 ლარი გადაიხადა.

ირაკლი რუხაძემ “იმედის” გაყიდვის შესახებ განცხადება 6 თებერვალს გაავრცელა.

ტელეკომპანია „იმედი“ 1000 ლარად გაიყიდა.