რუსეთმა უკრაინაზე მასირებული იერიში მიიტანა. აფეთქებების ხმა ისმოდა კიევში, ხარკოვსა და ზაპოროჟიეში.
ხარკოვზე თავდასხმის შედეგად, სულ მცირე, 14 ადამიანი დაშავდა, მათ შორის ერთი ბავშვი. ერთ-ერთი რაკეტა მაღალსართულიან შენობას მოხვდა, რამაც ხანძარი გამოიწვია.
ამასთან, კიევზე იერიშის შედეგად, დაზიანდა მრავალსართულიანი საცხოვრებელი კორპუსები და კერძო სახლები. რამდენიმე ადგილას ხანძარი გაჩნდა. დაშავებულია, სულ მცირე, ხუთი ადამიანი.
ზაპოროჟიეზე თავდასხმის შედეგად, დაზიანდა კერძო სახლი, მრავალსართულიანი შენობა და ორი სავაჭრო ცენტრი. დაშავებულია, სულ მცირე, შვიდი ადამიანი.