ჩრდილოეთ კორეის ლიდერმა, კიმ ჩენ ინმა, თავისი 13 წლის ქალიშვილი, კიმ ჯუ-აე, ქვეყნის ბირთვული ძალების ზედამხედველად დანიშნა – ინფორმაციას The Chosun Daily სამხრეთ კორეის დაზვერვაზე დაყრდნობით ავრცელებს. დაზვერვის მონაცემებით, კიმ ჯუ აე “ჩრდილოეთ კორეის სარაკეტო პროგრამის გენერალური დირექტორის” თანამდებობა უკავია.
The Chosun Daily ცნობით, კიმ ჯუ-აე რეგულარულად ჩნდება საზოგადოებაში მამასთან ერთად, მათ შორის, სტუმრობს საცდელ პოლიგონებს და აკვირდება იარაღის გამოცდას. სამხრეთ კორეის სადაზვერვო სააგენტოების წყაროები ვარაუდობენ, რომ მას კიმ ჩენ ინის მემკვიდრედ ამზადებენ. დაზვერვამ უკვე დააფიქსირა შემთხვევები, როდესაც ლიდერის ქალიშვილმა გარკვეულ პოლიტიკურ საკითხებზე საკუთარი აზრი გამოთქვა.