“ხელფასებზე არ იქნება პრობლემა… გასკდით გულზე, არაფერზე [რეკლამებზეც] არ იქნება პრობლემა” – ვიქტორ ჯაფარიძე

“პოსტივის” მფლობელმა, ვიქტორ ჯაფარიძემ კომენტარი გააკეთა ბრიტანეთის მიერ მისი მაუწყებლის დასანქცირების თემაზე.

“ამათგან უკვე ყველაფერს ველოდებოდი, კანონის მხარდაჭერისთვის თუ დამასანქცირეს, რა საკვირველია, რომ ტელევიზიასაც დაასანქცირებენ. ბრიტანეთის ხელისუფლების გადაწყვეტილებას ძალიან ცუდად ვაფასებ. ალბათ ის არ მოეწონათ, რომ “კამიტის” გამო ჩვენმა ქვეყანამ მათ მატყუარა ტელევიზიას პრეტენზიები გამოუთქვა. ბრიტანელებმა უნდა გადაგვიწყვიტონ, რომელ ტელევიზიას უნდა უყუროს ქართველმა მოსახლეობამ? მაგათი აზრი არ მაინტერესებს.

ქართული ბანკები შებოჭილები არ იქნებიან, ეს ორი ბანკია შებოჭილი, იმიტომ რომ აგენტურის, ბრიტანელების ბანკები არიან. ხელფასების ჩარიცხვაზე პრობლემები არ იქნება. ხელფასებს ყველა ბანკი გასცემს, რა პრობლემაა. რატომ უნდა გითხრათ, [რომელ ბანკთან გვაქვს ურთიერთობა], რას ლაპარაკობთ, [ხელზე არ გავცემთ] ხელფასებს. ეგ არის თქვენი ბრიტანული დემოკრატია. არ არის თქვენი საქმე [მაქვს თუ არა “ქართუ ბანკთან] კომუნიკაცია] გასკდით გულზე, არაფერზე [რეკლამებზეც] არ იქნება პრობლემა” – ვიქტორ ჯაფარიძე.

გუშინ დიდმა ბრიტანეთმა “პოსტივი” და “იმედი” დაასანქცირა.