გიორგი ახობაძის საქმესთან დაკავშირებით განცხადება გააკეთა მისმა ადვოკატმა ლაშა ცუცქირიძემ – „გიორგი ახობაძის მიმართ გამოტანილი გამამართლებელი განაჩენი სააპელაციო სასამართლომაც ძალაში დატოვა!“ — წერს ადვოკატი.
2025 წლის 6 აგვისტოს საქალაქო სასამართლოს მოსამართლე რომეო ტყეშელაშვილმა ნარკოდანაშაულში ბრალდებული ექიმი გიორგი ახობაძე უდანაშაულოდ ცნო და გაათავისუფლა. მოსამართლის თქმით, მან ეს გადაწყვეტილება მტკიცებულებების არასაკმარისი რაოდენობის გამო გამოიტანა. გიორგი ახობაძეს სისხლის სამართლის კოდექსის 260-ე მუხლის მე-6 ნაწილს ედავებოდნენ, რაც დიდი ოდენობით ნარკოტიკული საშუალებების უკანონო შეძენა-შენახვას გულისხმობს.