ბათუმის ბულვარში ქორწინების სახლში ანგრევენ , ინფორმაციას აჭარა თაიმსი ავრცელებს.
ბათუმის ბულვარის ცენტრალურ შესასვლელში მდებარე ქორწინების სახლის დემონტაჟი მიმდინარეობს.
გადაწყვეტილება, როგორც ადმინისტრაციაში აცხადებენ მიღებულია „ქართული ოცნების“ აჭარის მთავრობის ინიციატივითა და საქართველოს იუსტიციის სამინისტროსთან შეთანხმებით.
გავრცელებულ ინფორმაციაში აღნიშნულია, რომ შენობის დაშლა ბულვარის განაშენიანების გეგმას შეესაბამება და ასევე ითვალისწინებს საზოგადოების მრავალწლიან მოთხოვნას.
მათი განმარტებით, ქორწინების სახლი თავისი მოცულობითა და მდებარეობით ზღუდავდა ბათუმის ბულვარის მთავარი შესასვლელის ვიზუალურ აღქმას.
ამასთან, შენობა ამორტიზებული იყო და მოქმედ სტანდარტებს აღარ აკმაყოფილებდა, რის გამოც ის განაშენიანების გეგმით განსაზღვრულ სადემონტაჟო ობიექტთა ნუსხაში მოხვდა.
იხილეთ ვიდეო: