კიევი ინდივიდუალური და მასობრივი ტერორიზმის მეთოდებს მიმართავს, რადგან ღია დაპირისპირებაში გამარჯვება არ შეუძლია. ისინი ნებისმიერ გზას ეძებენ. უკიდურესობამდე მივლენ და შემდეგ ინანებენ. მათ ერთ ადამიანს ასაფეთქებელი მოწყობილობა ჩააბარეს, შემდეგ კი დისტანციურად ააფეთქეს როგორც ის, ასევე სამიზნე, – ამის შესახებ რუსეთის პრეზიდენტმა, ვლადიმერ პუტინმა რუსეთის ფედერალური უსაფრთხოების სამსახურის საბჭოს ყოველწლიურ სხდომაზე სიტყვით გამოსვლის დროს განაცხადა.
ვლადიმერ პუტინი მოსკოვში, საველოვსკის სადგურზე 24 თებერვლის ღამეს მომხდარ აფეთქებას გამოეხმაურა.
ამასთან, პუტინმა შესაბამის ორგანოებს მოუწოდა, „უფრო მკაცრი ანტიტერორისტული ზომები მიიღონ“ და ფედერალური უსაფრთხოების სამსახურის რესურსების სრულად მობილიზების მნიშვნელობაზე ისაუბრა.