გამოცემა The Hill-ი საქართველოს მესამე პრეზიდენტის, მიხეილ სააკაშვილის სტატიას აქვეყნებს, სახელწოდებით: “ტრამპი ფრთხილად უნდა იყოს საქართველოს ამჟამინდელ ხელმძღვანელობასთან ურთიერთობისას”.
მიხეილ სააკაშვილი აღნშნულ სტატიაში აშშ-ის ვიცე პრეზიდენტის, ჯ.დ. ვენსის სამხრეთ კავკასიის ორ ქვეყანაში, სომხეთსა და აზერბაიჯანში ვიზიტზე წერს, რომლის დღის წესრიგშიც საქართველო ვერ მოხვდა.
ვიცე-პრეზიდენტი ჯ.დ. ვენსი ცოტა ხნის წინ სამხრეთ კავკასიის ორ ქვეყანას, სომხეთსა და აზერბაიჯანს ეწვია – საქართველოს გვერდის ავლით. ბიძინა ივანიშვილი, ოლიგარქი, რომელიც რუსეთში გამდიდრდა და ამჟამად არაფორმალურად საქართველოს პირად სამფლობელოდ მართავს, აქტიურად ლობირებს ბაიდენის ადმინისტრაციის მიერ მასზე დაწესებული აშშ-ის სანქციების მოხსნას.
საქართველო, რომელიც ოდესღაც კავკასიის ერთ-ერთი მთავარი ფიგურა იყო, ახლა იზოლირებულია არა მხოლოდ აშშ-სგან, არამედ მსოფლიოს დანარჩენი ნაწილისგანაც. მიუხედავად იმისა, რომ ქართველი ხალხი თითქმის უნივერსალურად პროამერიკელია, ვაშინგტონის ბოლოდროინდელი ნაბიჯები ივანიშვილთან ურთიერთობის ნორმალიზაციისკენ შესაძლოა ცუდი ამბავი იყოს როგორც ქართველებისთვის, ასევე აშშ-სთვის,” – ნათქვამია სტატიაში.
მხიეილ სააკაშვილი The Hill-ის სტატიაში ქვეყანაში მიმდინარე მდგომარეობასაც განიხილავს და აღნიშნავს, რომ ქვეყანა კრიზისშია ჩაფლული, ოპოზიციონერი ლიდერები ციხეებში არიან, მომიტინგეებს აკავებენ მხოლოდ ტროტუარზე დგომის გამო, ჟურნალისტებს კი ავიწროებენ და დევნიან.
…პროცენტული თვალსაზრისით, საქართველოში დღეს უფრო მეტი პოლიტიკური პატიმარია, ვიდრე მადუროს ვენესუელაში…
ამ რეპრესიულ კანონებს კიდევ უფრო ამძიმებს ის ფაქტი, რომ პრემიერ-მინისტრმა ირაკლი კობახიძემ შემოიღო კანონი, რომლის მიხედვითაც ყველა, ვინც ივანიშვილის მთავრობას ლეგიტიმურად არ ცნობს, სამ წლამდე თავისუფლების აღკვეთას მიიღებს.
აშშ-ს ინტერესების გათვალისწინების სანაცვლოდ, ივანიშვილი ფაქტობრივად მოითხოვს, რომ ვაშინგტონმა აღიაროს მისი უფლება, სასტიკად მოეპყროს საკუთარ მოქალაქეებს და მართოს საქართველო ისე, როგორც თავად აირჩევს – მათ შორის ოპონენტების მასობრივი დაპატიმრებებით და მშვიდობიანი მიტინგების წინააღმდეგ აკრძალული ქიმიური ნივთიერებების გამოყენებით. მან მოახერხა აშშ-ს სტრატეგიულ პარტნიორებთან, სომხეთთან და აზერბაიჯანთან, ურთიერთობების დაზიანებაც კი, მას შემდეგ, რაც ტრამპის სახელობის ახალი სტრატეგიული სატრანსპორტო მარშრუტის საბოტაჟი დაიწყო,” – წერია სტატიაში.
სტატიის სრული ვერსია იხილეთ მითითებულ ლინკზე: thehill.com