ცეცხლაძის ინფორმაციით, საპატრულო პოლიციამ 2026 წლის 9 თებერვალს ტროტუარის გადაკეტვის ფაქტზე ადმინისტრაციული სამართალდარღვევის ოქმი შეადგინა, რომელიც თბილისის საქალაქო სასამართლოში გადაიგზავნა.
ცეცხლაძის თქმით, საქმე მოსამართლე ნინო ენუქიძემ დაუსწრებლად განიხილა, ადმინისტრაციული წარმოება შეწყვიტა და მასალა შინაგან საქმეთა სამინისტროს დაუბრუნა იმ დასაბუთებით, რომ საქმე ადმინისტრაციული არ არის და შესაძლოა სისხლის სამართლის დანაშაულის ნიშნებს შეიცავდეს.
ზურაბ ცეცხლაძე მიიჩნევს, რომ აღნიშნული გადაწყვეტილება მის წინააღმდეგ სისხლის სამართლის დევნის დაწყების წინაპირობას ქმნის.
“მოგესალმებით ჩემს ძვირფას აუდიტორიას.
მინდა ერთი საგულისხმო ინფორმაცია მოგაწოდოთ, ჩემს მიმართ სისხლის სამართლის საქმის აღძვრის მზადების შესახებ.
საპატრულო პოლიციას ჩემს მიმართ 2026 წლის 09 თებერვალს შეუდგენია ადმინიტრაციული სამართალდარღვევის ოქმი, ტროტუარის გადაკეტვასთან დაკავშირებით, რაც წარდგენილ იქნა თბილისის საქალაქო სასამართლოში.
თბილისის საქალაქო სასამართლოს მოსამართლემ, ნინო ენუქიძემ საქმე განიხილა დაუსწრებლად, შეწყვიტა ადმინისტრაციული საქმე და დაუბრუნა შსს-ს, წარდგინებით, რომ საქმე ადმინისტრაციული არ არის და შეიცავს სისხლის სამართლის დანაშაულის ნიშნებს.
ამით, ფაქტობრივად სასამართლომ მიუთითა შსს-ს რომ ჩემს მიმართ აღძრას სიახლის სამართლის საქმე გზის გადაკეტვის ბრალდებით, რაც ითვალისწინებს სასჯელის ზომას 1 წლამდე.
მინდა მივმართო თვითმარქვია რუსულ რეჟიმს, თქვენი შეშინებული არ გაიშვას. ჩემთვის შვება იქნება ისეთ პირობებში ვიცხოვრო, როგორშიც ცხოვრობს ჩემი შვილი. ციხი არ მეშინია, თქვენ წარმოუდგინეთ და არც სიკვდილის, საკმარისად ვიცხოვრე და ვიბრძოლე ამ ქვეყანაზე. მხოლიდ ის მაწუხებს რომ ჩემს შვილს და მომავალ თაობას ვერ ვუტოვებ ჩემი სამშობლოს გარანტირებულ დამოუკიდებლობას და თავისუფლებას.
ერთი წუხილი მაქვს კიდევ და ეს ეხება ჩემს 90 წლის დედას, თუმცა ისეთი ძლიერი ქალია რომ, დარწმუნებული ვარ ღირსეულად გადაიტანს ამ განსაცდელსაც და უპირობოდ ცოცხალი და ჯანმრთელი დამხვდება გარეთ.
სადაც ვიქნები, ყველგან ვიბრძოლებ “ქათული ოცნების” რუსული რეჟიმის წინააღმდეგ, ვიდრე ისტორიული სანაგვის კუთვნილება არ გახდება ეს საოკუპაციო რეჟიმი და მისი სულისჩამდგმელი მატყუარა, ფლიდი, ბოროტი, მოღალატე, ფულის მონა, უსამშობლო და უღმერთო მანქურთი ბიძინა ივანიშვილი.
ცეცხლი ოლიგარქიას!
ბრძოლა ბოლომდე!
გავიმარჯვებთ სახელოვნად!!!”, – წერს ზურაბ ცეცხლაძე.