“გამახსენდა, რომ ბოლოს ჩვენ შევხვდით 2012 წელს, საქართველოს რეგიონულ მაუწყებელთა ალიანსის სტუდიაში, გადაცემაში, სადაც თქვენ სტუმარი იყავი – მე მაშინაც რეგიონული მედიისთვის ვმუშაობდი. ჩვენ – მე და თქვენ მოგვივიდა სერიოზული კონფლიქტი. თქვენ მაშინ მიხეილ სააკაშვილის დავალებით გაგქონდათ მედიის საწინააღმდეგო აქტი ცენტრალურ საარჩევნო კომისიაში – მე მგონი მე და თქვენ პოზიციები არ შეგვიცვლია. თქვენ მაშინ იყავით ქრისტიანულ-დემოკრატიული მოძრაობის წარმომადგენელი და ბოლოს რაც გააკეთეთ 2012 წლამდე, მედიის საწინააღმდეგო აქტი გაიტანეთ რქებით ცენტრალურ საარჩევნო კომისიაში. ეს ფაქტია” – უთხრა”რეგიონულ მაუწყებელთა ალიანსის” დირექტორმა, ნათია კუპრაშვილმა ოცნების პროპაგანდისტული იმედის წამყვანს, მაგდა ანიკაშვილს.
მაგდა ანიკაშვილის მტკიცებით, კუპრაშვილს მაყურებელი “შეცდომაში შეჰყავს”. “სხვანაირად ყვებით ამ ისტორიას… თუ ამის სათქმელად მოხვედით, არ მგონია რომ სწორი იყოს” – თქვა წამყვანმა.