“სფერო ჰოლდინგის”/”სფერო ინვესტის” საქმე – ამ წუთებში პროკურატურასთან დაზარალებულების საპროტესტო აქცია მიმდინარეობს.
მოქალაქეები აცხადებენ, რომ სასამართლო პროცესების პარალელურად სახელმწიფომ უნდა იფიქროს ზარალის ანაზღაურების საკითხზე.
ბინების მომლოდინეეებს ასი ათასობით დოლარი აქვთ გადახდილი, მაგრამ საცხოვრებლები არ გააჩნიათ. დღეს სასამართლოში ერთ-ერთი დაკავებულის, გიგა წულეისკირის პროცესი უნდა გამართულიყო, თუმცა პროკურატურის შუამდგომლობის საფუძველზე სხდომა გადაიდო.
მოქალაქეთა კუთვნილი დიდი ოდენობით თანხების სამსახურებრივი მდგომარეობის გამოყენებით წინასწარი შეთანხმებით ჯგუფის მიერ მოტყუებით დაუფლების ბრალდებით სფერო ჰოლდინგის დამფუძნებელი გივი წულეისკირი 10 ნოემბერს დააკავეს.
პროკურატურის ცნობით, “ბრალდებულთა ქმედებების შედეგად მოქალაქეთათვის მიყენებული ზიანი 12 მილიონ ლარს აღწევს”.