პირველკლასელთა რეგისტრაცია 2026 – რა იცვლება და რა ვადები უნდა დაიმახსოვრონ მშობლებმა

საქართველოს საჯარო სკოლებში პირველკლასელთა მიღების პროცესი ოფიციალურად დაიწყო. 2026-2027 სასწავლო წელს სკოლაში შესვლას ის ბავშვები შეძლებენ, რომლებსაც 6 წელი 15 სექტემბრის ჩათვლით შეუსრულდებათ.​წელს რეგისტრაციის პროცესში მნიშვნელოვანი სიახლეა: ემატება ტერიტორიული პრინციპით რეგისტრაციის ეტაპი, რომელიც 12 დიდ ქალაქში ამოქმედდება.​რეგისტრაციის 5 ეტაპი და ვადები:​იმისათვის, რომ პროცესი არ გამოგრჩეთ, მიჰყევით ამ განრიგს:​I ეტაპი (18 თებერვალი – 2 მარტი): სპეციალური საგანმანათლებლო საჭიროების მქონე ბავშვებისთვის. მშობლებმა განცხადებით პირდაპირ სკოლას უნდა მიმართონ.​II ეტაპი (21 აპრილი – 8 მაისი): პრიორიტეტული ჯგუფები. აქ რეგისტრირდებიან ბავშვები, რომელთა და-ძმა უკვე სწავლობს ამ სკოლაში, მშობელი იქაური თანამშრომელია, ან ოჯახიდან ერთდროულად ორი პატარა შედის პირველ კლასში.​III ეტაპი (15 მაისი – 25 მაისი): (ახალი!) ტერიტორიული პრინციპით რეგისტრაცია. ვრცელდება 12 ქალაქზე (თბილისი, ქუთაისი, ბათუმი და სხვა). რეგისტრაცია ხდება ონლაინ: registration.emis.ge.​IV ეტაპი (15 ივნისი – 3 ივლისი): საყოველთაო ონლაინ რეგისტრაცია ყველა სხვა მსურველისთვის.​V ეტაპი (20 ივლისი – 31 ივლისი): ბოლო შანსი – რეგისტრაცია გამოთავისუფლებულ ან დარჩენილ თავისუფალ ადგილებზე უშუალოდ სკოლაში.პირველ კლასში ჩასარიცხად საჭირო დოკუმენტები:მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში).  დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე).საქართველოს განათლების, მეცნიერებისა და ახალგაზრდობის სამინისტრო მშობლებს მოუწოდებს, “ყურადღებით გაეცნონ რეგისტრაციის ვადებსა და პირობებს, რათა ბავშვის სკოლაში შეყვანა დროულად და შეუფერხებლად შეძლონ”.