გურიის მოამბე წერს, რომ 55 წლის ზვიად ჯინჭარაძე, მეტსახელად “ჯუმათა” საკუთარ ავტომობილში ააფეთქეს.
როგორც გამოცემა წერს, აფეთქება მაშინ მოხდა, როდესაც კაცი მანქანაში ჩაჯდა – სავარაუდოდ, ასაფეთქებელი ნივთიერება დისტანციურ მართვაზე იყო დამონტაჟებული და აფეთქებაც მართვის პულტის მეშვეობით მოხდა.
ექიმების შეფასებით, პაციენტს სიცოცხლისთვის შეუთავსებელი დაზიანებები არ აღენიშნება.
ფორმულას შსს-ში უთხრეს, რომ გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.
ადგილზე შესაბამისი საგამოძიებო მოქმედებები ტარდება.