საიდუმლოს შენარჩუნების უნარი იშვიათი ნიჭია, რომელიც ყველას არ აქვს, ამიტომ კარგად დაფიქრდით, თქვენი საიდუმლო ნამდვილად დაცულია? ასტროლოგები გვაფრთხილებენ, რომ უმჯობესია ზოდიაქოს ამ ნიშნებთან ზედმეტი გულახდილობისგან თავი შეიკავოთ.
ტყუპი — პოპულარობისთვის ყველაფერზე მზადაა
ეპატაჟური ტყუპის ცხოვრების აზრი გამუდმებით ყურადღების ცენტრში ყოფნაა — ეს მისთვის თითქმის ჟანგბადია, ამიტომ მისთვის საიდუმლოს გაზიარება საკმაოდ სარისკოა. ყურადღების მისაქცევად გამორიცხული არ არის, რომ თქვენი საიდუმლო რომელიმე წვეულებაზე ან კორპორაციულ საღამოზე გათქვას.
მოგვიანებით ის შეიძლება სინდისმა შეაწუხოს და პატიება გთხოვოთ, მაგრამ მსგავსი სიტუაციისა შეიძლება იგივე გაიმეოროს.
ტყუპები მხიარული, ენერგიული და ძალიან კომუნიკაბელური მეგობრები არიან – მათთან არასოდეს მოიწყენთ, მაგრამ სერიოზული თემების განხილვისას, უმჯობესია ნაკლებად გულახდილი იყოთ.
ვერძი — იმპულსურად მოქმედებს
თეორიულად, ვერძი საიდუმლოს შესანიშნავი მცველი იქნებოდა, რომ არა უარყოფითი იმპულსები… ამ ნიშნის მთავარი ნაკლი შურისმაძიებლობაა.
დღეს ვერძი შეიძლება თქვენი საუკეთესო მეგობარი იყოს, რომელიც თქვენს საიდუმლოს წამების ქვეშაც არ გასცემს, მაგრამ არავინ იცის, რა იქნება ხვალ, რადგან ცხოვრება ყოველთვის მოულოდნელობებითაა სავსე.
თუ ერთ დღეს ვერძი თქვენში, მოკავშირეს ნაცვლად, მოწინააღმდეგეს ან მეტოქეს დაინახავს, მისი მიზანი თქვენი მორალურად განადგურება გახდება. ასეთ შემთხვევაში მისი მთავარი იარაღი თქვენი სუსტი მხარეების საჯაროდ გამოფენა გახდება. თუ ეს ნიშანი თავს მოტყუებულად იგრძნობს, დაემშვიდობეთ მის მორალურ პრინციპებსაც და საკუთარ რეპუტაციაზე იდარდეთ.
მშვილდოსანი — ნამდვილი აღმოჩენა ჯაშუშისთვის
საიდუმლოების დაცვა მშვილდოსნების ძლიერი მხარე ნამდვილად არ არის. ჯერ ერთი, ისინი იმდენ ინფორმაციას ფლობენ, რომ ავიწყდებათ, რომელია საიდუმლო და რომელი – არა. ამიტომ სხვის საიდუმლოებებს არა ბოროტი განზრახვით, არამედ სრულიად შემთხვევით გასცემენ.
ამასთან მშვილდოსნებს საკმაოდ უცნაური იუმორის გრძნობა აქვთ. თუ მათ ოდესმე უხერხული შემთხვევის შესახებ უამბეთ, რომელიც სამუშაოზე შეგემთხვათ, იცოდეთ, რომ ერთ მშვენიერ დღეს თქვენს პარტნიორს ან საერთო მეგობრებს მოუყვება. ასეთი ბუნება აქვს — უყვარს სიცილი და მხიარულება, თუნდაც სხვის ხარჯზე.
თევზები — ცდილობენ, მაგრამ ყოველთვის არ გამოსდით
თევზებს პასუხისმგებლობის აღება უჭირთ – მათ შორის სხვისი საიდუმლოს შენახვაზეც. ეს მათთვის მძიმე გამოცდაა, რომელიც დიდ შინაგან ძალას მოითხოვს. ხშირად ამ „ტვირთის“ მარტო ტარება უჭირთ და ცდილობენ, სხვებსაც გაუზიარონ. ამასთან აუცილებლად ამატებენ ფრაზას: „არავის უთხრა!“. ასე, რომ ერთ მშვენიერ დღეს შეიძლება აღმოაჩინოთ, რომ თქვენი საიდუმლო ნახევარმა ქალაქმა იცის.
თუ გსურთ, თევზებთან კარგი ურთიერთობა შეინარჩუნოთ, ნუ გადატვირთავთ ისეთი საიდუმლოებით, რომლებიც მათთვის ზედმეტად მძიმე სატარებელია.
***
როგორ უნდა მოიქცეთ, თუ თქვენი მეგობარი ვერძი, ტყუპი, მშვილდოსანი ან თევზია?
რა თქმა უნდა, თითოეულ მათგანს უამრავი ღირსება აქვს და შეუძლია შესანიშნავი მეგობარი, პარტნიორი ან მოკავშირე იყოს. უბრალოდ მათი თავისებურებები უნდა გაითვალისწინოთ.
ვერძისთვის მნიშვნელოვანია, რომ თქვენი ნდობა და მეგობრობის მნიშვნელობა დაანახვოთ. ტყუპებს აუხსენით, რომ თქვენი საიდუმლოს შენახვა „ღირსების საკითხია“. მშვილდოსანს ზუსტად აუხსენით, რისი თქმა არ შეიძლება, ხოლო თევზებს მხოლოდ ის უთხარით, რისი გამხელაც არ დაგაზიანებთ.
დაბოლოს, ადამიანებს მხოლოდ ზოდიაქოს ნიშნის მიხედვით ნუ შეაფასებთ, მათ რეალურ ქცევას დააკვირდით. თუ მეგობარმა ერთხელ უკვე დაამტკიცა, რომ საიდუმლოს შენახვა შეუძლია, შეგიძლიათ მშვიდად ენდოთ. მაგრამ გახსოვდეთ, რომ ყველაზე ძვირფასი საიდუმლო მხოლოდ საკუთარ გულში უნდა შეინახოთ.