ჩინურ იუანში რეზერვების ნაწილის განთავსებას რისკების დივერსიფიკაციას ეძახიან – ამის შესახებ პოლიტიკოსი რომან გოცირიძე სოციალურ ქსელში წერს.
“საქართველოს ეროვნულმა ბანკმა 2024 წელს 1,1 მილიარდი დოლარის ოდენობის მოგება მიიღო და აქედან 670 მილიონი ლარი ბიჯეტში გადარიცხა. რომ არა ეს ფული, ბიუჯეტს სერიოზული პრობლემები შეექმნებოდა. 2025 წელს მოგება კიდევ უფრო მეტი იყო. ეს შემოსავალი ძირითადად რეზერვების ამერიკის მაღალშემოსავლიან ფასიან ქაღალდებში განთავსების შედეგადაა მიღებული.
ჩინეთის მთავრობის რისკიან და დაბალშემოსავლიან ობლიგაციებში რეზერვები რომ განეთავდებინათ, შემოსავალი გაცილებით ნაკლები იქნებოდა, ხანგრძლივ პერიოდში კი იუანის გაუფასურებისა და ინფლაციის გამო, თითქმის ნულოვანი.
ადვილი დასათვლელია, რამდენს დაკარგავდა ეროვნული ბანკი და ბიუჯეტი, ეს ფული ჩინეთში რომ ყოფილიყო დაბანდებული.
ჩინურ იუანში რეზერვების ნაწილის განთავსებას რისკების დივერსიფიკაციას ეძახიან. ვის გაუგია დივერსიფიკაცია რისკების გაზრდის ხარჯზე?!”