“ყვარლის მუნიციპალიტეტში მომხდარი ავტოსაგზაო შემთხვევის შედეგად, მამაკაცი მძიმედ დაშავდა.
ავარია სოფელ სანავარდოში, ღვინის ქარხნის მიმდებარე ტერიტორიაზე, წუხელ, გვიან ღამით მოხდა.
თვითმხილველების თქმით, 50 წლამდე ასაკის კაცს ავტომობილი იმ დროს დაეჯახა, როდესაც გზის სავალ ნაწილზე გადაადგილდებოდა.
დაშავებული სხეულისა და თავის არეში მიღებული მძიმე დაზიანებებით, გურჯაანის საავადმყოფოში გადაიყვანეს. ექიმების განმარტებით, პაციენტის ჯანმრთელობის მდგომარეობა სტაბილურად მძიმეა.
არსებული ინფორმაციით, ავტომობილის მძღოლმა დაშავებულის სამედიცინო დაწესებულებაში გადაყვანაში თავად მიიღო მონაწილეობა.
შემთხვევის ადგილზე მობილიზებული იყვნენ სამართალდამცავები” – ამის შესახებ ინფრმაციას ავრცელებს, “ამბები კახეთიდან”