თბილისის სააპელაციო სასამართლომ ძალაში დატოვა საქალაქო სასამართლოს განაჩენი და პოეტი ზვიად რატიანი პატიმრობაში დატოვა. მას 2025 წლის 9 ოქტომბერს ორი წლით თავისუფლების აღკვეთა მიესაჯა.
დღევანდელ სხდომას რატიანი საკუთარი სურვილით არ დასწრებია. სასამართლომ განიხილა მოსამართლე გიორგი გელაშვილის განაჩენი, რომელიც ორივე მხარემ გაასაჩივრა.
პროკურატურა მოითხოვდა ქმედების პოლიციელზე თავდასხმად გადაკვალიფიცირებას, ხოლო დაცვა — რატიანის უდანაშაულოდ ცნობას. მხარეებს შორის დავა სასამართლო დარბაზშიც გაგრძელდა.